Vista a solicitude e documentación presentada por José Ojea Triñanes, na que solicita prórroga do permiso de actividade para a explotación dunha estación depuradora de moluscos da que é titular, sita en Cambra, Palmeira, Ribeira (A Coruña) e remodelación das ditas instalacións.
Tendo en conta que, con data do 12-9-1986 (DOG nº 194, do 7 de outubro), se lle outorgou ó peticionario a licencia e concesión administrativa para a instalación dunha estación depuradora de moluscos.
Tendo en conta que o 8-7-1998, o Ministerio de Medio Ambiente, outorgou ó peticionario a concesión administrativa para a ocupación dos 810 m de terreos de dominio público marítimo-terrestre.
Considerando que o dito expediente se tramitou de conformidade co disposto na Lei 6/1993, do 11 de maio, de pesca de Galicia (DOG nº 101), no Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares instalados na zona terrestre (DOG nº 142, do 24-7-1997), así como o disposto no artigo 150 do Regulamento, do 1 de decembro de 1989, de costas (BOE nº 297, do 12 de decembro).
Tendo en conta os informes que constan no expediente, esta consellería de conformidade coa lexislación vixente, por proposta da Dirección Xeral de Recursos Mariños,
RESOLVE:
Primeiro.-Outorgarlle a José Ojea Triñanes (DNI 33.112.437) prórroga do permiso de actividade e concesión de ocupación do dominio público marítimo-terrestre dun establecemento auxiliar de cul
tivos mariños, por un prazo de dez (10) anos, contados a partir do 7-10-1996 que remata o 7-10-2006, coas seguintes características:
-Tipo de establecemento: estación depuradora.
-Titular: José Ojea Triñares.
-Situación: lugar de Cambra, Palmeira, Ribeira (A Coruña).
-Especies: moluscos.
-Outorgamento: 12-9-1986 (DOG nº 194 do 7 de outubro).
Segundo.-Autoriza-la remodelación das instalacións do citado establecemento auxiliar de cultivos mariños. A nova distribución realizarase de acordo co proxecto presentado con data de setembro de 1996 e redactado por José V. Fernández Sarasquete, e axustarase ás seguintes características:
-Superficie de dominio privado: 1.075,80 m
Nave:
Planta soto: 144,30 m.
Planta baixa: 788,00 m (anexo I).
Entreplanta: 143,50 m.
Superficie de piscinas: 457,5 m.
Piscina 1: 59,30 m
Piscina 2: 66,60 m.
Piscina 3: 66,30 m.
Piscina 4: 66,60 m.
Piscina 5: 66,60 m.
Piscina 6: 70,40 m.
Piscina 7: 61,70 m.
- Superficie de dominio público marítimo-terrestre:
Para toma de auga: 300 m.
Para desaugadoiros: 510 m.
A presente resolución outórgase baixo as seguintes condicións:
Primeira: ó establecemento seralle de aplicación o disposto nas ordes iniciais de outorgamento, modificacións posteriores e nas disposicións legais concordantes de conformidade coa normativa vixente sobre esta clase de establecementos.
Segunda: o titular do establecemento xustificará o pagamento á Facenda Pública do imposto que grava as concesións e autorizacións administrativas (transmisións patrimoniais e actos xurídicos documentados) ou acreditará a declaración de non estar suxeito o acto a tal imposto, feita pola Delegación de Facenda ou oficina liquidadora correspondente.
Contra esta resolución, que esgota a vía administrativa, poderase interpoñer recurso contencioso-administrativo na forma e prazos previstos no artigo 57 e seguintes da Lei reguladora da xurisdicción contencioso-administrativa do 27 de decembro de 1956.
Santiago de Compostela, 12 de novembro de 1998.
Amancio Landín Jaráiz
Conselleiro de Pesca, Marisqueo e Acuicultura
11208
