Consonte coa proposta formulada pola comisión constituída para xulga-lo concurso convocado por resolución da Universidade de Vigo, do 5 de novembro de 1997 (BOE do 6 de decembro), para a provisión dunha praza de profesor titular de universidade da área de coñecemento de lingüística xeral, do departamento de Traducción, Lingüística e Teoría da Literatura, a prol de María del Carmen Cabeza Pereiro, con documento nacional de identidade número 36.067.278, e cumprindo a interesada os requisitos do apartado 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a María del Carmen Cabeza Pereiro profesora titular de universidade da área de coñecemento de lingüística xeral, do departamento de Traducción, Lingüística e Teoría da Literatura.

Este nomeamento producirá plenos efectos a partir da correspondente toma de posesión pola interesada, que deberá efectuarse no prazo máximo dun mes, contado desde o día seguinte ó da publicación da presente resolución no Boletín Oficial del Estado.

Contra esta resolución, que esgota a vía administrativa, poderán os interesados, logo da comunicación a este rectorado, interpoñer recurso contencioso-administrativo perante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Boletín Oficial del Estado.

Vigo, 10 de novembro de 1998.

Domingo Docampo Amoedo

Rector da Universidade de Vigo

10471