Convocada a concurso de méritos a praza de corpo docente universitario que se relaciona no anexo adxunto, e dando cumprimento ó disposto no artigo 6 do Real decreto 1888/1984, do 26 de setembro, en virtude da sentencia do Tribunal Constitucional do 27 de febreiro de 1987,

Este rectorado resolveu sinala-la celebración do sorteo correspondente á praza citada no dito anexo, co fin de designa-los membros da comisión que serán elixidos por este procedemento, para o día 16 de decembro de 1998, ás 12 horas, na Secretaría Xeral da Universidade de Santiago de Compostela (edificio San Xerome, praza do Obradoiro, s/n).

Para os efectos previstos no artigo 6.6º do Real decreto 1888/1984, do 26 de setembro (BOE do 26 de outubro), a partir da data desta resolución farase pública a relación dos profesores que participarán no sorteo no rectorado da universidade.

Da citada relación e no momento do sorteo serán excluídos aqueles profesores que:

-Pertenzan á mesma universidade á que corresponde a praza.

-Fosen nomeados para formar parte das comisións pola universidade á que corresponde a praza.

As reclamacións contra a referida relación formularanse antes do día 11 de decembro de 1998, dirixidas ó secretario xeral da Universidade de Santiago de Compostela.

Santiago de Compostela, 28 de outubro de 1998.

Darío Villanueva Prieto

Rector da Universidade de Santiago de Compostela

ANEXO

Concurso convocado por Resolución do 1 de xullo de 1998 (BOE do 21).

Concurso de méritos nº 1613/1998.

Corpo: catedrático de escola universitaria.

Área de coñecemento: didáctica e organización escolar.

Presidente titular: Carlos Rosales López, catedrático de universidade. Universidade de Santiago de Compostela.

Secretario titular: Anxo Porto Ucha, catedrático de escola universitaria. Universidade de Santiago de Compostela.

10160