Aprobado inicialmente pola Comisión de Goberno, en sesióin do 28 de outubro de 1998, o proxecto de obra ordinaria Avda. do Instituto -tramo inicialsométese a información pública polo prazo dun mes, para efectos de exame e reclamacións.

Así mesmo, e polo prazo de quince días hábiles, co alcance e efectos do artigo 17.1º da Lei de expropiación forzosa, sométese a información pública a relación dos titulares dos bens e dereitos afectados pola execución do referido proxecto, e que son os que figuran no anexo 11.4º del, de conformidade con canto se establece no artigo 135 do texto refundido da Lei sobre o réxime do solo e ordenación urbana, do 9 de abril de 1976.

Os prazos antes indicados contaranse desde o día seguinte ó da publicación deste anuncio no Diario Oficial de Galicia.

Os interesados poderán examina-lo proxecto e o expediente tramitado nas oficinas deste concello, así como formular por escrito cantas alegacións consideren oportunas para os efectos de rectifica-los posibles erros cometidos na relación publicada.

A aprobación inicial acordada será elevada a definitiva sen máis trámite de non formularse reclamacións ou alegacións en tempo hábil, por dispoñelo así o acordo de aprobación inicial, ó abeiro do establecido polo artigo 75 da Lei 30/1992, do 26 de novembro, de réxime xurídico das administracións públicas e do procedemento administrativo común.

Predio: terreo.

Titular: Mª del Carmen Vuelta Rodríguez.

Tipo de solo: urbano.

Superficie: 614 m

Domicilio: Avda. Navia, 24-Becerreá.

Becerreá, 12 de novembro de 1998.

Antonio Fernández Pombo

Alcalde