Visto o expediente instruído por instancia de Jesús Nuño de la Rosa, na súa calidade de representante da entidade mercantil Viajes El Corte Inglés, S.A., en solicitude da autorización de apertura de dous novos establecementos, un en Santiago de Compostela, na rúa do Restollal, s/n, e outro en Ferrol, na rúa Iglesias, 44, da axencia de viaxes Viajes El Corte Inglés, S.A., do grupo maiorista-retallista, co código identificativo CIC MA nº 59, que ten a súa casa central en Madrid, na rúa Hermosilla, 112.

Resultando que o interesado xunto coas solicitudes entregou toda a documentación a que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.

Resultando que na tramitación dos expedientes se observaron tódolos requisitos e formalidades establecidas regulamentariamente.

Considerando que na empresa solicitante e nos novos establecementos da axencia de viaxes, concorren tódalas condicións esixidas polo mencionado regulamento para a obtención da súa autorización.

Vistos o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a Orde do 12 de xaneiro de 1998, da Consellería de Cultura, Comunicación Social e Turismo, pola que se delega no director xeral de Turismo a competencia para autoriza-los novos establecementos e dependencias auxiliares das axencias de viaxes xa autorizadas, a Dirección Xeral de Turismo

RESOLVE:

Autorizarlle á axencia de viaxes Viajes El Corte Inglés, S.A., sita en Madrid, na rúa Hermosilla, 112, da que é titular a entidade mercantil Viajes El Corte Inglés, S.A., a apertura de dous novos establecementos, un en Santiago de Compostela, na rúa do Restollal, s/n, e outro en Ferrol, na rúa Iglesias, 44, que serán inscritos no Rexistro de Empresas e Actividades Turísticas da Comunidade Autónoma galega.

Contra esta resolución o interesado poderá interpoñer recurso contencioso-administrativo, ante a Sala do Contencioso-Administrativo do Tribunal

Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

Santiago de Compostela, 14 de outubro de 1998.

P.D. (Orde 12-1-1998)

Aurelio Miras Portugal

Director xeral de Turismo

9558