De conformidade coa proposta elevada pola comisión constituída para xulga-lo concurso convocado por resolución desta universidade, do 2 de decembro de 1997 (BOE do 5 de xaneiro de 1998), para a provisión da praza de profesor titular de universidade da área de coñecemento de linguaxes e sistemas informáticos, do departamento de Electrónica e Computación da Universidade de Santiago de Compostela, a favor de José Manuel Cotos Yáñez e tendo en conta que o interesado cumpre os requisitos ós que alude o punto 2º do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a José Manuel Cotos Yáñez profesor titular de universidade da área de coñecemento de linguaxes e sistemas informáticos, do departamento de Electrónica e Computación da Universidade de Santiago de Compostela.

Santiago de Compostela, 26 de outubro de 1998.

F. Darío Villanueva Prieto

Rector da Universidade de Santiago de Compostela

10059