Con data do 29 de outubro de 1998 o Pleno da Corporación aprobou o prego de cláusulas técnicas e administrativas para a contratación da obra piscinas e vestiarios municipais en Vilanova, o que se expón ó público na secretaría do concello, polo prazo de 4 días hábiles, para que poidan presentarse reclamacións, contando desde o día seguinte ó da inserción do derradeiro anuncio no BOP ou DOG. Coa mesma data aprobouse o proxecto técnico da obra, redactado polo arquitecto Ramón J.Valencia Hentschel cun orzamento de execución por contrata de 27.133.822 pesetas o que se expón ó público na secretaría do concello, co fin de que durante o prazo de 15 días poidan formularse as alegacións ou reclamacións que se consideren oportunas.

Simultaneamente anúnciase a licitación para adxudica-lo contrato, mais a licitación aprazarase canto resulte necesario no suposto de que se formulen reclamacións contra o devandito prego ou contra o proxecto técnico.

1. Entidade adxudicadora.

Concello de San Cibrao das Viñas.

Dependencia que tramita o expediente: secretaría xeral.

2. Obxecto do contrato.

a) Descrición: realización da obra de piscinas e vestiarios municipais en Vilanova.

b) División por lotes e número: non.

c) Lugar de execución: Soutopenedo (San Cibrao das Viñas).

d) Prazo de execución: 6 meses.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación: 21.133.822 pesetas (vintesete millóns cento trinta e tres mil oitocentas vintedúas pesetas).

5. Garantías.

Provisional: 547.676 pesetas. 2% do orzamento base de licitación.

Definitivamente: 4% do orzamento do contrato.

6. Obtención de documentación e información.

a) Lugar: Secretaría do Concello de San Cibrao das Viñas, en horario de 9 a 14 horas.

b) Domicilio e teléfonos: Casa do Concello de San Cibrao da Viñas, praza da Constitución 1. San Cibrao das Viñas. Teléfono: 988 38 10 34, fax: 988 38 11 01.

c) Data límite de obtención de documentos e información: ata o remate do prazo de presentación de proposicións.

Un exemplar do proxecto e do prego de cláusulas depositaranse na Fotocopiadora Puga, situada na zona universitaria (Ourense) para a obtención de copias polos interesados.

7. Requisitos específicos do contratista.

a) Clasificación: grupo C; subgrupo todos (1 ó 9) categoría c.

b) Outros requisitos: os establecidos no prego de cláusulas administrativas.

8. Presentación de proposicións.

a) Prazo de presentación: 13 días naturais contados desde o día seguinte ó da derradeira publicación deste anuncio no BOP ou DOG de 9 a 14 horas. Se o último día fose inhábil ou sábado o prazo finalizará o primeiro día hábil seguinte.

b) Documentación que hai que presentar: a que se indica no prego de cláusulas administrativas que rexe a contratación, consonte os modelos que se establecen no dito prego.

c) Lugar de presentación: no rexistro xeral da Casa do Concello ou por calquera dos procedementos previstos no artigo 100 do Regulamento xeral de contratos do Estado.

9. Apertura de ofertas.

a) Lugar: Casa do Concello de San Cibrao das Viñas.

b) Data: o terceiro día hábil seguinte (excepto sábados) a aquel no que remate o prazo de presentación de ofertas.

c) Hora: 11 horas.

10. Outras informacións.

Os criterios de adxudicación serán os sinalados no prego de cláusulas administrativas.

11. Gastos do anuncio.

Os gastos que xere esta contratación serán por conta do adxudicatario.

San Cibrao das Viñas, 30 de outubro de 1998.

A alcaldesa

Rubricado

10048