De conformidade co previsto no artigo 34.1º da Lei 1/1997, do solo de Galicia, ponse en xeral coñecemento que o Pleno do Concello de Marín, na súa sesión do día 2 de outubro de 1998, adoptou os seguintes acordos:

1º Prestar-lle aprobación inicial ó Plan Xeral de Ordenación Municipal do Concello de Marín nos termos redactados e sinalados na determinación do avance inicial e que resulta da redacción del e planimetría levada a cabo pola empresa ICEACSA.

2º Someter a información pública o expediente tramitado así como a documentación técnica e planimetría integrante do plan xeral polo prazo dun mes, mediante anuncio que se vai inserir no DOG e no BOP, taboleiro de edictos do concello e nun dos xornais de maior circulación da provincia, para os efectos de que durante o expresado período poidan formularse as alegacións que xulguen pertinentes os interesados, computándose o momento inicial do prazo para formular alegacións a partir da data de inserción do anuncio no Diario Oficial de Galicia.

3º Suspende-lo outorgamento de licencias no ámbito de todo termo municipal, sen prexuízo da posibilidade de conceder licencias baseadas no réxime vixente, sempre que respecten as determiniacións do novo planeamento.

O que se fai público para xeral coñecemento, facéndose constar que a exposición pública terá lugar no salón de actos da Biblioteca Pública Municipal do Concello de Marín en horario das 9 ás 14 horas, de luns a venres durante o prazo dun mes contado a partir do día seguinte ó da publicación deste anuncio no Diario Oficial de Galicia, quedando a partir dese momento aberto o prazo de presentación de alegacións.

O prazo de suspensión de licencias é o previsto no artigo 34.3º que establece que a suspensión se extinguirá no prazo dun ano ou no momento en que se produzca aprobación definitiva do planeamento.

Marín, 6 de outubro de 1998.

Augusto Casal Sánchez

Alcalde

9002