1. Autorización administrativa.
Para os efectos previstos no artigo 9 do Decreto 2617/1966, do 20 de outubro, de autorización de instalacións eléctricas, sométese á información pública a petición de autorización administrativa para o trazado da liña eléctrica de referencia, que conta coas características técnicas básicas que se refiren a continuación:
a) Peticionario: Unión Eléctrica-Fenosa, S.A.
b) Localización: concello de Gomesende.
c) Finalidade: mellora-la seguridade e calidade do servicio nas zonas de influencia, segundo as directrices do Plan MEGA.
d) Trazado e datos básicos:
L.M.T. aérea a 20 kV, de 106 m, con orixe no apoio número 7 da L.M.T. proxectada a Reguenga e final no centro de transformación intemperie da Granxa, en conductor LA-56.
C.T. proxectado tipo aéreo, da Granxa con 50 kVA e r/t 20.000/380-220 V, R.B.T. do C.T. da Granxa de 440 m en conductor R.Z.
R.B.T. do C.T. en caseta existente de Cortiñas, de 1.821 m en conductor R.Z.
e) Orzamento: 13.039.669 ptas.
2. Urxente ocupación.
O beneficiario, ó abeiro, do título IX da Lei 54/1997, do 27 de novembro, do sector eléctrico
solicita, así mesmo, a declaración de utilidade pública da instalación, o que, segundo o sinalado no artigo 54 daquela, levará implícito en todo caso a necesidade de ocupación dos bens ou a adquisición dos dereitos afectados -os cales se describen na relación adxunta- e implicará a urxente ocupación para os efectos do artigo 52 da Lei de expropiación forzosa; iso segundo o procedemento establecido polos artigos 10, 16 e 31.5º do Decreto 2619/1966, do 20 de outubro, polo que se aproba o regulamento da Lei sobre expropiación forzosa e sancións en materia de instalacións eléctricas, de aplicación ó expediente polo sinalado na disposición transitoria primeira da citada Lei 54/1997.
3. Alegacións.
A presente resolución sométese á información pública para coñecemento xeral dos propietarios e demais titulares afectados que non chegaron a un acordo amigable coa entidade solicitante, así como das persoas que, sendo titulares de dereitos reais ou intereses económicos afectados foran omitidas, para que poidan examina-lo expediente nas oficinas desta delegación provincial, rúa Curros Enríquez nº 1, 4º de Ourense, e presentar, de se-lo caso, as alegacións que sexan oportunas no prazo de trinta días, contados a partir da última públicación deste anuncio.
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, con traslado ó Ministerio Fiscal das dilixencias que se produzan.
Ourense, 24 de agosto de 1998.
Alfredo Cacharro Pardo
Delegado provincial de Ourense
Relación de propietarios, bens e dereitos afectados
Expediente: IN407A 98/159-3 A.T..Provincia: Ourense.
L.M.T.-C.T.-R.B.T. A Granxa, A Veiga, Leguñeira y Cotiñas.Termo municipal: Gomesende.
PREDIOS PROPIETARIOS AFECCIÓN
Solo Voo
Nº Lugar Cultivo Nome e apelidos Enderezo nº apoio m ml m
3 Nogueira Prado José Álvarez Álvarez San Paio-A Guia, s/n, 32212 Ourense 80 800
43 Granxa Prado Ernesto González Gutierrez Padre Sarmiento 6-B, 36204 Vigo 30 300
44 A. do Crego Prado Eladio Estévez Mosquera A Valenzá-Barbadás, s/n, 32890 Ourense 16 150
8570