Antecedentes.

1. No Diario Oficial de Galicia nº 183, do 21 de setembro de 1998, publícanse a convocatoria e as bases da oposición para a provisión dunha praza de auxiliar gravador ou gravadora, en quenda restrinxida, vacante no cadro de persoal do Parlamento de Galicia.

2. Ó face-lo cómputo dos vinte días naturais establecidos para determina-la finalización do prazo de

presentación de instancias, compróbase que o último día corresponde ó domingo día 11 de outubro.

Fundamento xurídico

O artigo 48, puntos 3º e 4º, da Lei 30/1992, do 26 de novembro, de réxime xurídico das administracións públicas e do procedemento administrativo común, establece que cando o último día do prazo fose inhábil enténdese prorrogado ó día seguinte e que os prazos expresados en días se contarán a partir do seguinte a aquel en que teña lugar a súa publicación.

Dado que o día seguinte, 12 de outubro, resulta ser tamén, segundo o calendario laboral do ano 1998, festa laboral, é polo que, na súa virtude, e para garanti-los principios de igualdade, concorrencia e publicidade, resolvo que o prazo límite para a presentación de instancias á dita convocatoria finalice o martes día 13 de outubro, ás 18.30 horas.

Santiago de Compostela, 22 de setembro de 1998.

José María García Leira

Presidente do Parlamento de Galicia

8644