Aprobado pola Comisión de Goberno do día 12 de agosto de 1998 o prego de bases do concurso de idea do estudio de detalle da Unidade de Intervención número 4 do PEPRI, para tal efecto publícase o seguinte anuncio:

Obxecto: concurso de ideas para a elaboración do estudio de detalle da Unidade de Intervención número 4 do PEPRI.

Concursantes: poderán optar a este concurso tódolos arquitectos e enxeñeiros competentes para a redacción deste tipo de instrumentos de planeamento autorizados para o exercicio, podéndose presentar de forma individual ou formando equipos, sen que poida figura-lo mesmo profesional en dúas proposicións. Non poderán concursar nin os membros do xurado nin quen tivese relación profesional estable ou familiar ata o segundo grao.

Prazo de inscrición: para participar no concurso será obrigatoria a inscrición previa que se formalizará achegando ó rexistro xeral do concello a documentación prevista no prego de bases. O prazo da inscrición finalizará o vixésimo sexto día natural posterior á publicación deste anunico no Diario Oficial de Galicia.

Prazo de presentación dos traballos: os licitadores validamente inscritos terán un prazo de dous meses contados desde a publicación, no taboleiro de anuncios do concello, da lista de admitidos (sen prexuízo da notificación individual) para a presentación dos traballos obxecto do presente concurso.

Consultas e recollida de documentación: para consultas e recollida de documentación deberán dirixirse ó Servicio de Arquitectura deste concello, sito na rúa Quiroga Ballesteros s/n, 3ª planta.

Premios: o primeiro premio consistirá en 1.000.000 de pesetas, así como o encargo do proxecto definitivo do estudio de detalle da Unidade de Intervención nº 4 do PEPRI e dos proxectos de construcción do Auditorio e da Delegación de Defensa.

Poderán premiarse un ou dous anteproxectos que o xurado determine con accésit de 500.000 pesetas.

Lugo, 24 de agosto de 1998.

Joaquín Mª García Díez

Alcalde

Ángel Quiñoá Murado

Secretario

8219