Convocado un curso para a obtención do diploma de directivo adaptado a altos cargos da Xunta de Galicia, en virtude da Resolución do 7-9-1998 (DOG nº 179, do 15 de setembro), na que se concedía un prazo de presentación de instancias desde o día 16 ó 23 de setembro, e dada a brevidade do dito prazo a efectos do coñecemento do maior número de participantes e que o mes de setembro é aínda período vacacional, esta escola considera que debe ampliarse o prazo de inscrición no devandito curso, tendo en conta que as circunstancias o aconsellan e que non se prexudican dereitos de terceiras persoas.
En consecuencia, con base no artigo 49.1º da Lei 30/1992, do 26 de novembro, de réxime xurídico das administracións públicas e do procedemento administrativo común,
DISPOÑO:
Amplia-lo prazo de presentación de instancias no curso para a obtención do diploma de directivo adaptado a altos cargos da Xunta de Galicia ata o día 2 de outubro.
Santiago de Compostela, 29 de setembro de 1998.
Domingo Bello Janeiro
Director da Escola Galega de Administración Pública
8770