Por decreto do oito dos que corren o alcalde resolveu:
1. Aprobar inicialmente o proxecto de urbanización do subcuarteirón 2B do Plan Parcial de Alargamento do Núcleo Actual correspondente ó estudio de detalle reformado do referido subcuarteirón nun ámbito con fronte á Avda. de Galicia (CN. 550) promovido por Galpor, S.L. e redactado polo arquitecto José Luis Pereiro Alonso o 22 de decembro de 1997 e visado polo respectivo colexio o 24-2-1998.
Deberá presentar, antes da aprobación definitiva, a seguinte documentación:
O aval bancario para garanti-lo exacto cumprimento da urbanización, por un importe de 21.956.821 ptas., tal como indica o enxeñeiro municipal no seu informe do 7-9-1998.
2. Somete-lo referido proxecto de urbanización, co seu expediente, a información pública durante
un mes, mediante anuncios que se publicarán no Diario Oficial de Galicia e nun dos diarios de maior circulación da provincia.
Por todo o exposto, o referido proxecto co seu expediente, queda exposto ó público na secretaría do concello tódolos días hábiles en horario de oficinas, durante o prazo dun mes contado a partir da publicación deste anuncio no Diario Oficial de Galicia.
O Porriño, 8 de setembro de 1998.
José Manuel Barros González
Alcalde
8315