Aprobado pola Comisión de Goberno deste Concello, en sesión celebrada o día 11 de agosto do ano en que estamos, o prego de cláusulas administrativas particulares que rexerán na contratación das obras do proxecto de pavimentación no núcleo de Bretoña, exponse ó público na secretaría deste concello polo prazo de oito días, contados a partir do seguinte ó da derradeira publicación deste anuncio no BOP ou no Diario Oficial de Galicia, para efectos de exame e reclamacións.

Simultaneamente, anúnciase a contratación da dita obra, se ben no suposto de presentarse reclamacións contra o prego de cláusulas, o concurso aprazarase cando resulte necesario, ata que sexan resoltas pola propia Corporación.

1. Entidade adxudicadora:

a) Concello da Pastoriza.

b) Dependencia que tramita o expediente: secretaría.

2. Obxecto do contrato:

a) Descrición do obxecto: pavimentación no núcleo de Bretoña.

b) Lugar de execución: concello da Pastoriza.

c) Prazo de execución: seis meses.

3. Orzamento base de licitación, importe total: 21.686.598 ptas., IVE incluído.

4. Tramitación, procedemento e forma de adxudicación:

a) Tramitación: urxente.

b) Procedemento: aberto.

c) Forma: concurso.

5. Garantías:

a) Provisional: 433.732 ptas.

b) Definitiva: 867.464 ptas.

6. Obtención de documentación e información:

a) Entidade: Concello da Pastoriza.

b) Domicilio: praza de Galicia, 1.

c) Localidade e código postal: A Pastoriza, 27287.

d) Teléfono: 982 33 21 97.

e) Fax: 982 33 22 33.

7. Requisitos específicos do contratista: clasificación no grupo G, subgrupo 6, categoría c).

8. Presentación de ofertas:

a) Data límite de presentación: trece días naturais contados a partir do seguinte ó da publicación do anuncio de licitación no BOP de Lugo e no Diario Oficial de Galicia, tomando como día para o inicio do prazo o seguinte ó da última publicación.

b) Documentación que hai que presentar: a esixida na cláusula 18 do prego de cláusulas administrativas particulares.

c) Lugar de presentación: Concello da Pastoriza, praza de Galicia, 1.

9. Apertura de ofertas: no salón de sesións deste concello ás trece horas do quinto día hábil seguinte ó da finalización do prazo de presentación de proposicións.

10. Criterios que servirán de base para a adxudicación:

-Unidades de obra adicional, ata seis puntos.

-Antecedentes relativos a obras de natureza análoga realizadas polo contratista para as distintas administracións públicas, ata catro puntos.

-Prezo, ata dous puntos.

11. Gastos de anuncios: por conta do adxudicatario.

A Pastoriza, 20 de agosto de 1998.

Áurea Castro Conde

Alcaldesa accidental

8104