Recibiuse nesta consellería escrito da sección segunda da Sala do Contencioso-Administrativo do Tribunal Superior de Xustiza de Galicia polo que se reclama o expediente administrativo referido ó recurso contencioso-administrativo número 02/0005185/1998, interposto por Benjamín Vilán Valverde contra resolución do conselleiro de Cultura, Comunicación Social e Turismo, do 27 de febreiro de 1998, desestimatoria do recurso ordinario contra outra da Dirección Xeral de Patrimonio Cultural, do 30 de setembro de 1997, recaída en procedemento sancionador instruído por construcción de exceso de volume no inmoble nº 1 da rúa de Ventura de Misa de Baiona.

Esta secretaría xeral acordou, en cumprimento do disposto no artigo 61 da Lei do 27 de decembro de 1956 reguladora da xurisdicción contencioso-administrativa, a remisión do expediente administrativo solicitado.

Así mesmo, de conformidade co disposto no artigo 64 da citada lei, modificado pola Lei 10/1992, do 30 de abril, notifícaselles a tódalas persoas interesadas no procedemento e emprázanse para que poidan comparecer como parte en autos ante a referida sala no prazo de nove días.

Santiago de Compostela, 6 de agosto de 1998.

Andrés González Murga

Secretario xeral da Consellería de Cultura, Comunicación Social e Turismo

7576