Por Resolución do 13 de agosto de 1998, da Dirección Xeral da Función Pública (publicada no DOG nº 162, do 21 de agosto) ábrese o prazo de presentación de solicitudes para a elaboración das listas reguladas no Decreto 89/1997, do 10 de abril. Constatada a existencia dalgúns erros no texto da citada resolución, cómpre efectua-las seguintes modificacións:
Primeiro.-Na páxina 9.593, base 6.3, onde di: «Todo isto unha vez que se esgoten ou non poidan utilizarse as listas para o corpo ou escala que figura no anexo I desta convocatoria e que foron elaboradas de acordo co Decreto 252/1996, do 14 de xuño,...»; debe dicir: «Todo isto unha vez que se esgoten ou non poidan utilizarse as listas para o corpo ou escala que figura no anexo I desta convocatoria e que foron elaboradas de acordo co Decreto 252/1992, do 30 de xullo,...».
Segundo.-Na mesma páxina, anexo I, onde di: «Requisitos: carné de conducir (A e B)», debe dicir: «Requisitos: título de capataz forestal e carné de conducir (A-2 e B-1)».
Terceiro.-O prazo de presentación das solicitudes establecido na base 3.2 da convocatoria compútase a partir do día seguinte á publicación desta resolución no DOG.
Santiago de Compostela, 25 de agosto de 1998.
Joaquín López-Rúa Soler
Director xeral da Función Pública
7906