O Consello da Xerencia Municipal de Urbanismo, en sesión celebrada o día 17 de abril de 1998, acordou aprobar inicialmente o Plan especial de mellora do núcleo 12.05 Matoca na parroquia de Oia, redactado polos arquitectos Javier Alonso Davila e Arsenio Piñeiro Santos.

Sométese a información pública polo prazo dun mes, mediante inserción de anuncios no Diario Oficial de Galicia, nun xornal dos de maior circulación da provincia e no taboleiro de anuncios da casa do concello.

Signifícase que o prazo de exposición ó público se entenderá aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da casa do concello.

O presente anuncio servirá de notificación nos termos do artigo 59º da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu domicilio, non poidan ser notificados persoalmente.

Vigo, 14 de xullo de 1998.

Manuel Pérez Álvarez

Alcalde-presidente da Xerencia Municipal

de Urbanismo

7696