De conformidade coa proposta elevada pola comisión designada para xulga-lo concurso convocado por resolución desta universidade do 21 de xullo de 1997 (BOE do 23 de setembro), para a provisión da praza número 97/039, de profesor titular de escola universitaria da área de coñecemento de enxeñería de sistemas e automática, do departamento de Enxeñería Industrial desta universidade, a favor de Rafael Alejandro Vega Vega, e unha vez acreditados polo interesado os requisitos ós que alude o apartado 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Rafael Alejandro Vega Vega, profesor titular de escola universitaria da área de coñecemento de enxeñería de sistemas e automática, do departamento de Enxeñería Industrial, desta universidade.

A Coruña, 14 de xullo de 1998.

José Luis Meilán Gil

Rector da Universidade da Coruña

7143