A Xerencia Xeral do Complexo Hospitalario de Santiago de Compostela, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG do 11-5-1998) da Consellería de Sanidade e Servicios Sociais, convoca o seguinte concurso público:
1. Obxecto: subministración sucesiva de material de limpeza e lavado de vaixela.
2. Orzamento estimado: 2.194.142 pesetas( dous millóns cento noventa e catro mil cento corenta e dúas pesetas), IVE incluído
3. Fianzas:
a) Provisional: 2 % do orzamento de licitación.
b) Definitiva: 4 % do orzamento de licitación.
Constituiranse segundo o disposto nos artigos 36 e 37, respectivamente, da Lei 13/1995 de contratos das administracións públicas.
4. Forma de adxudicación: concurso público, procedemento aberto e ordinario.
5. Prazo de execución: seis meses desde o 1 de sgosto de 1998 ou desde a data da sinatura do contrato, se é posterior. Antes do seu vencemento, por mutuo acordo de ámbalas partes, este contrato inicial poderá ser prorrogado nos termos que se establecen no punto 3.5 do prego tipo de cláusulas administrativas particulares.
6. Admisión de variantes: consideraranse as proposicións que, respectando o obxecto da subministración e o prezo unitario máximo, melloren as esixencias técnicas previas.
7. Solvencia económica e finaceira: acreditarase por algún dos documentos sinalados no anexo I ó prego.
8. Solvencia técnica: acreditarase por algún dos documentos sinalados no anexo II ó prego.
9. Criterios de adxudicación:
Calidade e características dos artigos: ata 4 puntos.
Prezo: ata 4 puntos.
Características da subministración: ata 2 puntos.
10. Documentos de interese para os licitadores: o prego de cláusulas administrativas particulares e demais documentación complementaria poden ser solicitados no departamento de Contratación Administrativa do Hospital Xeral de Galicia, rúa Galeras s/n 15705 Santiago de Compostela, en días laborables desde as 9 ata as 14 horas.
11. Clasificación: non se esixe.
12. Presentación de proposicións: as proposicións deberán presentarse en man, en sobres pechados e asinados polo licitador ou persoa que o represente, no rexistro xeral do Hospital Xeral de Galicia, rúa Galeras s/n 15705 Santiago de Compostela, antes das 14 horas do vixésimo sexto día natural contado a partir do seguinte ó da publicación desta resolución no DOG, ou por correo no xeito indicado no punto 10 do prego de cláusulas administrativas particulares. No caso de que o devandito día coincida en sábado ou festivo, o prazo de presentación finalizará o seguinte día hábil.
13. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Xeral de Galicia, ás 10 horas do décimo sexto día natural contado a partir do seguinte a aquel no que finalice o prazo de presentación de ofertas; en caso de que o dito día coincida en sábado ou festivo, a apertura das proposicións terá lugar o primeiro día hábil seguinte.
14. Documentación que deberán achega-los licitadores: a documentación que figura no prego de cláusulas administrativas particulares.
15. Anuncios: os anuncios do presente concurso público serán por conta do adxudicatario do contrato.
Santiago de Compostela, 9 de xullo de 1998.
Manuel Ariza López
Xerente xeral do Complexo Hospitalario
de Santiago de Compostela
7026
