Por resolución da Alcaldía, con data de hoxe, foi aprobado o prego de cláusulas administrativas particulares que rexerá o concurso por procedemento aberto da obra de substitución do pavimento da pista do centro polideportivo municipal-1, o cal se expón ó público polo prazo de oito días contados a partir do seguinte ó da inserción deste anuncio no BOP para que poidan presentarse reclamacións.

Simultaneamente anúnciase concurso, se ben a licitación se aprazará, cando resulte necesario, no suposto de que se formulen reclamacións contra o prego de condicións.

1. Entidade adxudicadora.

a) Organismo: alcalde.

b) Dependencia que tramita o expediente: secretaría do concello. Negociado de contratación.

2. Obxecto do contrato.

a) Descrición do obxecto: substitución do pavimento da pista do centro polideportivo municipal-1, conforme o prego de cláusulas administrativas, e proxecto técnico, redactado polo arquitecto técnico municipal.

b) Lugar de execución: municipio do Porriño, rúa Doantes de Sangue s/n.

c) Prazo de execución: un mes.

3. Tramitación, procedemento e forma de adxudicacion.

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación e criterios de selección que se utilizarán para a adxudicación da obra.

Orzamento base de licitación: importe total 19.165.912 pesetas.

Criterios de selección para a adxudicación da obra: os sinalados na cláusula 2ª do prego de cláusulas administrativas particulares.

5. Garantías.

Provisional: 383.318 ptas. equivalente ó 2% do orzamento do contrato base da licitación na forma prevista no prego de cláusulas administrativas.

6. Obtención de documentación e información.

a) Entidade: Concello do Porriño.

b) Domicilio: rúa Antonio Palacios, nº 1.

c) Localidade e código postal: O Porriño, 36400.

d) Teléfono: 986 33 13 01 e 986 33 05 79.

e) Telefax: 986 33 58 50.

f) Data límite de obtención de documentación e información: o día anterior a finaliza-lo prazo de presentación de proposicións.

7. Requisitos específicos do contratista.

Os especificados no prego de cláusulas administrativas.

8. Presentación das ofertas.

a) Data límite de presentación: finalizará ós trece días naturais contados desde o último seguinte ó da data de publicación do anuncio no BOP ou no Diario Oficial de Galicia.

b) Documentación que hai que presentar: a especificada na cláusula 17ª do prego de cláusulas administrativas particulares.

c) Lugar de presentación:

1ª Entidade: rexistro xeral do Concello do Porriño, de nove a catorce horas, tódolos días excepto sábados, que será de nove a trece horas.

2ª Domicilio: rúa Antonio Palacios, nº 1.

3ª Localidade e código postal: O Porriño, 36400.

d) Prazo durante o cal o licitador estará obrigado a mante-la súa oferta: tres meses.

9. Apertura de ofertas.

a) Entidade: Concello do Porriño.

b) Domicilio: rúa Antonio Palacios, nº 1.

c) Localidade: O Porriño.

d) Data: o quinto día hábil seguinte a aquel en que remate o prazo sinalado para a presentación de ofertas.

e) Hora: ás trece horas.

10. Outras informacións.

Se o día sinalado para a apertura de ofertas coincide en sábado, a mesa reunirase o día seguinte hábil á mesma hora.

11. Gastos de anuncios: por conta do adxudicatario.

O Porriño, 3 de xullo de 1998.

O alcalde

Rubridado

6644