O Consello da Xerencia de Urbanismo en sesión do 15 de maio de 1998, acordou aprobar inicialmente o estudio de detalle entre as rúas Aragón e San Xoán, presentado por Jorge Arias Mandado e segundo a documentación redactada polos arquitectos José R. Gago Alonso, Enrique Urdiales de Santiado e Miguel Marín Irazola, visado polo COAG os días 29 de xaneiro (memoria) e 25 de marzo (planos) de 1998, someténdoo a información pública polo prazo dun mes mediante a inserción de anuncios no DOG e nun dos xornais de maior circulación da provincia, con notificación individual ós propietarios afectados.
O que fai público para xeral coñecemento segundo o establecido no artigo 44.3º da Lei 1/1997, do solo de Galicia, significando que o trámite de información pública se entenderá aberto desde o día da publicación do primeiro anuncio ata transcorrido un mes da última.
Así mesmo, o presente anuncio servirá de notificación nos termos previstos no artigo 42.6º da Lei 1/1997, para todos aqueles propietarios que sexan descoñecidos, se ignore o lugar de notificación ou intentada esta non se puidese practicar.
O expediente atópase a disposición do público na Oficina de Información da Xerencia Municipal de Urbanismo (planta baixa da Casa do Concello).
Vigo, 1 de xuño de 1998.
Manuel Pérez Álvarez
Alcalde-presidente da Xerencia Municipal
de Urbanismo
5984