1. Obxecto: reposición de vehículos da flota do Parque Móbil da Xunta de Galicia mediante a concertación dun crédito por medio de leasing financeiro cunha entidade das comprendidas no ámbito da Lei 26/1988, así como selección de vehículos axeitados ó servicio ó que van ser destinados mediante a concorrencia de provedores do ramo da automoción. Todo o anterior de acordo coas especificacións administrativas e técnicas que figuran nos correspondentes pregos que están á disposición dos interesados na Consellería da Presidencia e Administración Pública, en Santiago de Compostela, edificio administrativo de San Caetano, 2ª planta.
2. Resumo das operacións contidas nos pregos de cláusulas: a título de información previa e resumida, e sen prexuízo do contido dos correspondentes pregos, adiántase un resumo das operacións que se consideran de maior interese inicialmente:
2.1. Para as entidades financeiras: o orzamento ó que as entidades financeiras acomodarán as súas proposicións de leasing financeiro é de cento dezoito millóns (118.000.000) de pesetas, pagadoiras pola Adminitración en cotas iguais na súa contía, durante un período de 48 meses, máis unha cota de opción de compra, de se-lo caso.
2.2. Para as empresas de automoción: o número de vehículos precisos para a reposición antes expresada é de 40, segundo as características técnicas e límites económicos que figuran no prego de prescricións técnicas. Así mesmo, a empresa seleccionada comprométese a deducir do custo total dos vehículos antes referidos a cantidade que, como mínimo, figura no anexo ós pregos como prezo de recompra de 52 vehículos usados propiedade da Xunta de Galicia. A resultante da dita operación dará o montante global do custo da adquisición que a entidade financeira concertará coa empresa seleccionada.
3. Prazo de presentación das proposicións: declarada a urxencia polo órgano de contratación, conforme o disposto no artigo 72 da Lei de contratos das administracións públicas, o prazo de presentación de proposicións será de 13 días naturais, contados a partir do día seguinte ó da publicación deste anuncio. As proposicións presentaranse en sobre pechado no rexistro xeral da Xunta de Galicia (planta
baixa do edificio central do complexo administrativo de San Caetano-Santiago de Compostela) ou por correo, na forma indicada no artigo 100 do Regulamento xeral de contratación do Estado.
No exterior dos sobres expresarase o seguinte texto: «Proposición para tomar parte no concurso aberto convocado pola Consellería da Presidencia e Administración Pública da Xunta de Galicia para a selección dunha entidade financeira para a concertación dun crédito destinado ó financiamento por medio de leasing financeiro da dotación de vehículos para o seu uso polo Parque Móbil da Xunta de Galicia e para a selección de provedores, que presenta D./Dna.... en nome... (propio ou da entidade que representa)».
4. Fianzas:
4.1. Para as entidades financeiras: garantía provisional do 2% sobre o prezo máximo de licitación.
4.2. Para as empresas de automoción: garantía provisional do 2% sobre o prezo máximo de licitación e definitiva de 4%.
5. Modelos de proposición: os que figuran anexos ós pregos de cláusulas administrativas e técnicas aplicables para cada caso (entidades financeiras e empresas de automoción).
6. Apertura de proposicións: en acto público, na sala B de reunións da Consellería da Presidencia e Administración Pública, ás 10 horas, do día 30 de xullo de 1998.
O importe deste anuncio será por conta, a partes iguais, dos adxudicatarios da entidade financeira e da empresa de automoción, que deberán facer efectivo o seu importe antes do asinamento do contrato.
Santiago de Compostela, 9 de xullo de 1998.
P.D. (Orde 9-2-1990)
Pablo Figueroa Dorrego
Secretario xeral da Consellería da Presidencia
e Administración Pública
6642