Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Eléctrica-Fenosa, S.A.

Enderezo social: Sáenz Díez, 45, 32003 Ourense.

Denominación: L.M.T., C.T., R.B.T., Matela, Teso e Condomiña.

Situación: Baralla.

Características técnicas: L.M.T. a C.T. de Matela de 20 kV de 1.685 km en conductor LA-56/54,6 mm, L.M.T. a C.T.A. de Teso, Condomiña de 20 kV de lonxitude 0.276 km en LA-56/54,6 mm Dous C.T. de 50 kVA e relación 20.000/380-220 V. R.B.T. a 380/220 V en R.Z. de 2.150 m.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial, resolve,

Autorizar e aproba-lo proxecto de execución das devanditas intalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

Lugo, 18 de maio de 1998.

Jesús Bendaña Suárez

Delegado provincial de Lugo

5562