SPI Galicia, S.A. anuncia demanda de financiamento axustada ós seguintes termos:

Modalidade: préstamo.

Importe: ata 12.000 millóns de pesetas cun mínimo de oferta de 1.000 millóns (nun ou varios tramos).

Período de disposición: ata 6 meses nunha ou varias disposicións.

Moeda: peseta.

Prazo: 10 anos.

Carencia: 2 anos.

Modalide de tipo de xuro:

-Opción A: tipo de xuro variable referenciado a Mibor a 3 meses. Poderase incorporar á operación un Collar custo cero no mesmo contrato de préstamo, dos que se fixarán as condicións unha vez outorgado o correspondente mandato.

-Opción B: tipo de xuro fixo.

(SPI Galicia, S.A. resérvase, en función dos importes ofertados, o dereito a optar por calquera das dúas opcións).

Garantías: as que se deriven do convenio marco e do PEF global de 1998 aprobado polo Consello da Xunta de Galicia o 15 de maio. O contrato que se asine poderá incluír dentro das causas de vencemento anticipado a modificación substancial do accionariado de SPI Galicia, S.A.

Presentación de ofertas: as ofertar dirixiranse en sobre pechado á atención do presidente de SPI Galicia, S.A., praza de Europa, 10A-5º, 15703 Santiago de Compostela, facendo constar nel, na marxe superior esquerda o seguinte: «Oferta préstamo xullo 1998».

Prazo de presentación de ofertas: as ofertas deberán presentarse antes das 12 horas do día 14 de xullo de 1998 no Rexistro de SPI Galicia, S.A.

O/os mandato/s serán outorgado/s no prazo máximo de seis días, contados desde a finalización do período de presentación de ofertas.

Santiago de Compostela, 2 de xullo de 1998.

Juan José Novoa Montero

Presidente da Sociedade Pública de Investimentos

de Galicia, S.A.