Aprobado polo alcalde deste concello na data de hoxe o proxecto técnico e o prego de condicións económico-administrativas que rexerán no concurso por procedemento aberto (tramitación urxente) da obra que no punto 2 se indica, expóñense ó público polo prazo dos oito primeiros días naturais seguintes ó da derradeira publicación deste anuncio no DOG e no BOP. Asemade anúnciase o concurso para a presentación de propostas, podendo aprazarse a licitación no caso de que se formulen reclamacións contra o proxecto ou o prego.

1. Entidade adxudicadora. Organismo: alcaldía. Dependencia: secretaría.

2. Obxecto do contrato. Descrición: saneamento, r/ República Arxentina (PPC/98).

Prazo de execución: 6 meses.

3. Tramitación, procedemento e forma de adxudicación. Tramitación: urxente. Procedemento: aberto. Forma: concurso.

4. Orzamento da licitación e criterios de selección: 9.381.582 pesetas (non se admiten baixas) e os criterios sinalados na cláusula 13ª do prego.

5. Garantías. Provisional: 187.632 ptas. Definitiva: 375.263 ptas.

6. Obtención da documentación e información. Secretaría do concello, praza de Calvo Sotelo, 36740 Tomiño; teléfono 986 62 20 01, fax 986 62 25 30, ata o día anterior ó do remate de presentación de proposicións.

7. Requisitos específicos do contratista: os especificados no prego.

8. Presentación das ofertas. Prazo: 13 días naturais seguintes ó da publicación do derradeiro anuncio de licitación no BOP de Pontevedra e no Diario Oficial de Galicia. Documentación: a esixida na cláusula 10ª do prego. Lugar de presentación: rexistro xeral do Concello de Tomiño, das nove ás catorce horas.

9. Prazo de vixencia das ofertas: 3 meses contados desde o día da apertura de proposicións.

10. Apertura de ofertas: nun prazo máximo de 7 días naturais seguintes ó da data da apertura da

documentación xeral dos sobres B e anunciarase, polo menos, 48 horas antes da súa realización cun edicto no taboleiro de anuncios do concello.

11. Gastos dos anuncios: por conta dos adxudicatarios.

Tomiño, 24 de xuño de 1998.

José Luis Fernández Lorenzo

Alcalde

5665