O Consello da Xunta de Galicia, na súa reunión do 15 de maio de 1998, declarou o proxecto sectorial denominado ampliación das instalacións de Financiera Maderera en Padrón de incidencia supramunicipal, para os efectos previstos na Lei 10/1995, do 23 de novembro, de ordenación do territorio de Galicia, designando a Consellería de Industria e Comercio como órgano competente para a tramitación do expediente.

En cumprimento do anterior, e de conformidade co disposto no artigo 25.3º da citada lei,

RESOLVO:

Someter á información pública o proxecto sectorial denominado ampliación das instalacións de Financiera Maderera en Padrón, sendo as súas características fundamentais as seguintes:

a) Peticionario: Financiera Maderera, S.A.

b) Situación: concello de Padrón.

c) Finalidade: implantación dunha nova liña de fabricación de taboleiro de media densidade e adecuación das instalacións para poder utilizar como materia prima básica a madeira de eucalipto.

d) Orzamento: 12.700.306.000 ptas.

Ó abeiro do disposto na disposición adicional terceira da Lei 2/1998, de medidas tributarias de réxime orzamentario, fundación pública, patrimonio, organización e xestión e para os efectos do artigo 52 da Lei de expropiación forzosa, a aprobación definitiva do proxecto polo Consello da Xunta de Galicia levará implícito o recoñecemento en concreto da utilidade pública e a urxente ocupación dos bens ou de adquisición dos dereitos afectados, o que se pon en coñecemento xeral, e en particular, dos propietarios e demais titulares que se detallan na relación que se xunta, co fin de que durante o prazo dun mes, contado desde a última publicación deste anuncio, poidan examina-lo citado proxecto nas dependencias da Secretaría Xeral de Industria e Comercio e presenta-las alegacións que consideren pertinentes.

Santiago de Compostela, 15 de xuño de 1998.

Manuel Barreiro Barbeito

Secretario xeral da Consellería de Industria

e Comercio

Relación de propietarios, bens e dereitos afectados

6123