O Pleno da Corporación, en sesión celebrada o 28-5-1998, adoptou o seguinte acordo:

«Aprobar con carácter definitivo, a proposta-instada por iniciativa particular por Eugenio Sobral Fernández, actuando en nome e representación de María Cruz Martínez Martínez e os herdeiros de Prudencio Landín Carrasco, e Marco AO4, S.L., de modificación da delimitación da unidade de actuación número 13 do vixente PXOU sita na rúa Pedra do Lagarto-A Parda, coa finalidade de regularizar parcelas segundo o plan xeral, diminuíndo a superficie da unidade e incorporando terreos a esta, afectando a parcelas dos promotores desta proposta, que se fundamenta nun proxecto técnico redactado polo arquitecto Isidoro Callejo Rey, visado pola Delegación en Pontevedra do COAG con data do 20-1-1998, desestimándose a alegación ou reclamación formulada durante a fase de información pública do procedemento por Rafael Córdoba Piñeiro, por canto a par

cela do alegante se acha segundo o PXOU en vigor, incluída dentro dunha vía pertencente ós sistemas xerais ó servicio de toda a poboación e a obter a través dos mecanismos legalmente establecidos como é a adopción da expropiación forzosa, á que se remitiu este concello, no procedemento de urbanización da Avenida Conde de Bugallal e vías confluentes».

O que se fai público para a súa executividade, subliñándose que contra este acordo, que esgota a vía administrativa, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xusticia de Galicia no prazo de dous meses computados a partir do día seguinte a esta publicación no Diario Oficial de Galicia, logo de comunicación ó órgano que dictou o acto impugnado, e isto sen prexuízo de que se poida exercitar, se é o caso, calquera outro recurso que se estime procecente.

Pontevedra, 8 de xuño do 1998.

Juan Luis Pedrosa Férnández

Alcalde

Julio Dapena Outomuro

Secretario xeral

6008