O Pleno do Concello de Vigo, en sesión celebrada o día 16 de abril de 1998, acordou aprobar definitivamente o plan especial de ordenación do porto
de Vigo, contido no documento presentado pola autoridade portuaria, datado en marzo de 1998 e subscrito polos técnicos Luis Lara Rubido e Joaquín Colunga Pérez, coa seguinte precisión:
Con respecto ás obras proxectadas na zona de servicio do porto que estarán suxeitas a licencia municipal, a normativa do plan especial aplicarase conforme a interpretación que do artigo 19.3º da Lei de portos realizou o Tribunal Constitucional na sentencia nº 40/1998, do 19 de febreiro, publicada no BOE nº 65 do 17-3-1998, (fundamento xurídico 39).
O que se fai público para xeral coñecemento de conformidade co establecido no artigo 48.2º da Lei 1/1997, do 24 de marzo, do solo de Galicia.
Vigo, 13 de maio de 1998.
Manuel Pérez Álvarez
Alcalde-presidente da Xerencia Municipal
de Urbanismo
5332