De conformidade co acordado pola Corporación provincial, na sesión do día da data, convócase concurso público para outorgar unha concesión administrativa coa finalidade de construcción e explotación dun estacionamento para vehículos nos terreos anexos ó Hospital Santa María Madre, con suxeición ó prego de condicións, que se publicará, integramente, no BOP de Ourense, e co seguinte extracto:
1. Entidade adxudicadora, dependencia e número de expediente: Deputación Provincial de Ourense, Negociado de Plans Provinciais. Nº 1/1998.
2. Obxecto do contrato e prazo de execución: concesión administrativa para a construcción de aparcamento subterráneo e xestión do servicio de estacionamento público para vehículos nos terreos propiedade da deputación anexos ó Hospital Santa María Madre, excluídos da zona I do SU-12 do Plan xeral de ordenación urbana de Ourense.
O prazo de execución é de dezaoito (18) meses a partir da acta de planeamento.
3. Tramitación, procedemento e forma de adxudicación: ordinaria, aberto, concurso.
4. Orzamento base de licitación: non se sinala.
5. Garantía provisoria: 3.000.000 de pesetas.
6. Obtención de documentación e información: na Deputación Provincial de Ourense, rúa do Progreso, 32, teléfono: (988) 38 51 00, fax: (988) 38 51 84, Negociado de Plans Provinciais. A documentación pode solicitarse ata a data límite de presentación de ofertas.
7. Requisitos específicos do contratista: clasificación esixida: grupo A, subgrupo 1, categoría e). Grupo C, subgrupos 2, 6 e 7, categoría e). Grupo E, subgrupo 1, categoría e). Grupo G, subgrupos 3 e 6, categoría e). Grupo I, subgrupos 1 e 9, categoría e). Grupo J, subgrupo 2, categoría e). Grupo K, subgrupos 6 e 9, categoría e).
Outros requisitos: poden concorrer empresas constructoras coa clasificación indicada e tamén as de xestión e desenvolvemento de obras e servicios públicos e similares, pero se non teñen a clasificación esixida, deberán concorrer en unión coa empresa que xustifique tal clasificación.
8. Presentación de ofertas: ata as trece horas (13 horas) do vixésimo sexto día natural seguinte á publicación do último dos anuncios no BOP de Ourense, Diario Oficial de Galicia ou no BOE.
Documentación que hai que presentar: sobre 1 coa proposición económica, sobre 2 coa documentación xeral e sobre 3 coa documentación específica do concurso. O detalle da documentación figura na base 11 do prego de condicións.
A documentación presentarase en man, no rexistro xeral da Deputación, rúa do Progreso, 32, Ourense.
O licitador deberá mante-la oferta durante o prazo de tres (3) meses.
Admítense dúas (2) variantes nas ofertas.
9. Apertura de ofertas: os sobres números 2 e 3 abriranse ás dez horas e trinta minutos (10.30 horas) do seguinte día hábil a aquel no que remate o prazo de presentación de proposicións, en acto público, na sala de comisións do pazo provincial, rúa do Progreso, 32, Ourense. O sobre número 1 abrirase ás doce horas (12 horas) do quinto día hábil seguinte. En ámbolos supostos, se conincide en sábado, o acto trasladarase ó primeiro día hábil seguinte.
10. Os interesados poderán solicitar unha copia do prego de condicións, que lles será facilitada, gratuitamente, pola deputación provincial.
11. O adxudicatario aboará os gastos das publicacións mencionadas.
Ourense, 29 de maio de 1998.
José Luís Baltar Pumar
Presidente da Deputación Provincial de Ourense