Visto o expediente instruído por instancia de María del Mar Santos Suárez, na súa calidade de titular da entidade mercantil Viajes Áncora, en solicitude da autorización de apertura dun novo establecemento, na rúa Bispo Romero Lema, s/n, Baio, concello de Zas (A Coruña), da axencia de viaxes Viajes Áncora, do grupo retallista, co código identificativo XG-138, que ten a súa casa central na Coruña, na rúa Emilia Pardo Bazán, 1.

Resultando que o interesado xunto coa solicitude acompañou toda a documentación a que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.

Resultando que na tramitación do expediente se observaron tódolos requisitos e formalidades establecidas regulamentariamente.

Considerando que na empresa solicitante e no novo establecemento da axencia de viaxes concorren tódalas esixidas polo mencionado regulamento para a obtención da súa autorización.

Vistos o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a Orde do 12 de xaneiro de 1998, da Consellería de Cultura, Comunicación Social e Turismo, pola que se delega no director xeral de Turismo a competencia para autoriza-los novos establecementos e dependencias auxiliares das axencias de viaxes xa autorizadas, esta Dirección Xeral de Turismo,

RESOLVE:

Autorizarlle á axencia de viaxes Viajes Áncora, sita na Coruña, na rúa Emilia Pardo Bazán, 1, da que é titular María del Mar Santos Suárez, a apertura dun novo establecemento na rúa Bispo Romero Lema, s/n, Baio, concello de Zas (A Coruña), que

será inscrito no Rexistro de Empresas e Actividades Turísticas da Comunidade Autónoma galega.

Contra esta resolución, o interesado poderá interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

Santiago de Compostela, 13 de abril de 1998.

P.D. (Orde 12-1-1998)

Aurelio Miras Portugal

Director xeral de Turismo

5137