1. Autorización administrativa.
Para os efectos previdos no artigo 9 do Decreto 2617/1966, do 20 de outubro, de autorización de instalacións eléctricas, sométese a información pública a petición de autorización administrativa para o trazado das liñas eléctricas de referencia, que contan coas características técnicas básicas que se reflicten a continuación:
a) Peticionario: Unión Eléctrica-Fenosa, S.A.
b) Situación: concello de Ourense.
c) Finalidade: mellora-la seguridade e calidade do servicio nas zonas de influencia, segundo as directrices do plan Mega.
d) Trazado e datos básicos:
1. L.M.T. aérea a 20 kV, de 294 metros de lonxitude, en conductor LA-56, con orixe en apoio metálico existente da L.M.T. Velle-Ribela e remate no C.T. existente, en caseta, do Outeiro.
2. L.M.T. aérea a 20 kV, de 234 metros, en conductor LA-56, con orixe no apoio metálico existente da L.M.T. Velle-Quintele-Ribela e remate en apoio existente, tipo C-2000-16 da L.M.T, a C.T. existente de Coíñas-I. Liña de baixa tensión aérea de Cartelos-Coíñas de 655 metros.
e) Orzamento: 4.231.237 ptas.
2. Urxente ocupación.
O beneficiario, ó abeiro do título IX da Lei 54/1997, do 27 de novembro, do sector eléctrico,
solicita, así mesmo, a declaración de utilidade pública da instalación, o que, segundo o sinalado no artigo 54 daquela, levará implicita en todo caso a necesidade de ocupación dos bens ou de adquisición dos dereitos afectados os cales se describen na relacióna anexa e implicará a urxente ocupación para os efectos do artigo 52 da Lei de expropiación forzosa; isto segundo o procedemento establecido polos artigos 10, 16 e 31.5º do Decreto 2619/1966, do 20 de outubro, polo que se aproba o regulamento da Lei sobre expropiación forzosa e sancións en materia de instalacións eléctricas, de aplicación ó expediente polo sinalado na disposición transitoria primeira da citada Lei 54/1997.
3. Alegacións.
A presente resolución sométese á información pública para coñecemento xeral e dos propietarios e demais titulares afectados que non chegaran a un acordo amigable coa entidade solicitante, así como das persoas que, sendo titulares de dereitos reais ou intereses económicos afectados, foran omitidos, para que poidan examina-lo expediente nas oficinas desta delegación provincial, rúa Curros Enríquez, 1-4º de Ourense, e presentar, de se-lo caso, as alegacións que sexan oportunas no prazo de trinta días, contados a partir da última publicación deste anuncio.
Esta publicación realízase igualemnte para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, con traslado ó Ministerio Fiscal das dilixencias que se produzcan.
Ourense, 3 de abril de 1998.
Alfredo Cacharro Pardo
Delegado provincial de Ourense
Relación de propietarios, bens e dereitos afectados
Expediente: IN407A 98/57-3 A.T.Provincia: Ourense
L.M.T., R.B.T. do Outeiro, CartelosTermo municipal: Ourense
PREDIOS PROPIETARIOS AFECCIÓN
Apoio Voo
(m) (m) (m)
Nº Lugar Cultivo Nome e apelidos Enderezo nº Superficie
Lonxitude
Superficie
15192 A Coruña3 Os Canos Viñedo Pilar Ojea Rodríguez 2ª F.P. Elviña E/ San Cristovo, 3-2º Dta.
29 290
4143