A Dirección Xerencia do Hospital Montecelo, en virtude das atribucións que lle foron delegadas por Orde do 22 de maio de 1996 (DOG do 6 de xuño), sobre delegación de competencias nos órganos centrais e periféricos do Servicio Galego de Saúde, e coa autorización do director xeral de Recursos Económicos, con data do 15 de abril de 1998, convoca o seguinte concurso público nº 9814, para a subministración sucesiva de próteses de traumatoloxía.
1. Nome e enderezo do servicio: Servicio Galego de Saúde. Hospital Montecelo, concursos e servicios. Mourente, s/n. 36071 Pontevedra. Teléfono número (986) 80 00 17 ; fax número (986) 80 00 01.
2. a) Modalidade da adxudicación: procedemento aberto.
b) Forma da adxudicación: concurso público.
3. a) Lugar de entrega da subministración: as entregas das próteses de traumatoloxía, faranse no almacén do Hospital Montecelo en Pontevedra.
b) Natureza e cantidade dos productos que se van subministrar: próteses de traumatoloxía (ver prego de cláusulas).
Orzamento total: noventa e cinco millóns, trescentas corenta mil pesetas (95.340.000 ptas.). Imposto sobre o valor engadido incluído.
c) Indicacións relativas á posibilidade de que os subministradores liciten por partes e/ou polo conxunto das subministracións requiridas: o concurso repártese en trece lotes que poden ser obxecto de licitación e adxudicación separadamente.
4. Prazo de entrega eventualmente imposto: segundo a demanda do Servicio de Compras e Subministros, que llo comunicará ó adxudicatario no seu momento.
5. a) Nome e enderezo do servicio ó que se poden solicita-los documentos pertinentes: ve-lo punto nº 1.
b) Data límite para efectúa-la solicitude: 22 de xuño de 1998.
6. a) Data límite de recepción das ofertas: 29 de xuño de 1998.
b) Enderezo ó que deben dirixirse: ve-lo punto nº 1.
c) Lingua ou linguas nas que deban redactarse: castelán ou galego.
7. a) Persoas admitidas a asistiren á apertura das ofertas: apertura en acto público.
b) Data, hora e lugar da dita apertura: ás 10 horas na sala de xuntas do Hospital Montecelo, en Mourente (Pontevedra): 10 de xullo de 1998.
8. Fianzas e garantías esixidas:
Provisional: o dous por cento do orzamento de licitación de cada lote ó que licite.
Definitiva: os licitadores adxudicatarios, deberán presentar unha fianza do catro por cento do orzamento de licitación de cada lote adxudicado.
9. Modalidades esenciais de pagamento e/ou referencias ós textos que as regulan: pagos en conta mediante transferencia bancaria, unha vez recibida a subministración e conforme co disposto no artigo 100 da Lei 13/1995, do 18 de maio, de contratos das administracións públicas.
10. Forma xurídica que deberá adopta-la agrupación de provedores: ver prego de cláusulas administrativas.
11. Informacións e formalidades necesarias para a avaliación das condicións mínimas de carácter económico e técnico que deberá reuni-lo provedor: as indicadas no prego de cláusulas administrativas particulares.
12. Prazo durante o cal o licitador estará obrigado a mante-la súa oferta: tres meses desde a data de apertura das proposicións.
13. Criterios que se seguirán para a adxudica-lo contrato: para a proposta valoraranse no seu conxunto as ofertas presentadas, téndose en conta os criterios estipulados no prego de cláusulas.
14. Outras informacións: no enderezo e servicio indicado no punto 1.
15. Data do envío do anuncio á Oficina das Publicacións Oficiais das Comunidades Europeas: 7 de maio de 1998.
16. Anuncios: o importe dos anuncios da presente resolución na prensa e nos boletíns oficiais será por conta dos adxudicatarios dos contratos.
Pontevedra, 28 de abril de 1998.
Rafael Pérez-Santamarina Feijóo
Director xerente do Hospital Montecelo
de Pontevedra
4371
