Visto o expediente da revisión salarial para o ano 1998 do convenio colectivo da empresa Blanco Munín, S.L. cafetería de persoal da cidade sanitaria Juan Canalejo, que tivo entrada nesta delegación provincial o día 6-4-1998, subscrito en representación da parte económica pola empresa, e, da parte social polo delegado de persoal o día 30-1-1998, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 13 de abril de 1998.
Mª Reyes Carabel Pedreira
Delegada provincial da Coruña
Táboas de salarios do ano 1998 para o persoal da empresa Blanco Munín, S.L.
Asistentes:
-Pola parte empresarial:
Orlando Blanco Armada.
-Pola parte social:
José Manuel Álvarez Rodríguez.
José Ramón Grela Castro (CC.OO.-asesor).
Na Coruña o 30 de xaneiro de 1998, sendo as 10 horas, nos locais da empresa reúnense dunha parte, a representación empresarial de Blanco Munín, S.L. e doutra, a representación social da dita empresa, á marxe citada. Os reunidos constatan os seguintes extremos:
Primeiro.-Establece o artigo 5 do convenio colectivo da empresa Blanco Munín, S.L. que ó cumpri-la data do seu vencemento, o convenio se prorrogará tacitamente de ano en ano, de non mediar denuncia por calquera das partes contratantes cun mes, como mínimo, de antelación á data de expiración: de prorrogarse pola tácita, tódolos conceptos económicos se incrementarán no IPC (índice de prezos ó consumo) establecido polo INE (Instituto Nacional de Estatística).
Segundo.-Ó non facer uso antes de decembro de 1997, nin a parte empresarial nin a social, da denuncia prevista no artigo 5, debe este convenio prorrogarse pola tácita e tódolos conceptos económicos se incrementarán no IPC establecido polo INE.
Terceiro.-Que o IPC constatado e publicado polo INE no período comprendido desde o 1 de xaneiro de 1997 ó 31 de decembro de 1997 é o 2 por cento.
Cuarto.-Que as táboas sobre as que hai que aplica-lo incremento do 2 por cento son as do ano 1997, as cales se incrementan publicadas no BOP do 1 de abril de 1997.
En relación con todo o anterior, as partes acordan:
1. Incrementa-las táboas salariales de 1997 nun 2 por cento. As ditas táboas son as que figuran no anexo I desta acta.
2. O dito incremento aplicarase desde o 1 de xaneiro de 1998. Os atrasos de xaneiro aboaranse antes de finalizar marzo de 1998.
3. Autorizar a José Ramón Grela Castro para que proceda a presenta-la acta e o anexo ante a autoridade laboral para proceder ós trámites de rexistro, depósito e publicación.
Sen máis asuntos que tratar, asínase de conformidade a presente acta no lugar e data no encabezamento expresados.
ANEXO I
Táboa salarial 1998
mensual cantidade de
traballo mensual
Categoría Salario base
Plus de
Plus transporte mensual Total mensual Total anual
Xerente 124.079 10.690 6.415 141.184 2.066.445
Oficial administrativo 106.192 10.690 6.415 123.297 1.798.140
Encargado 106.192 10.690 6.415 123.297 1.798.140
Cociñeiro 106.192 10.690 6.415 123.297 1.798.140
Camareiro 106.192 10.690 6.415 123.297 1.798.140
Axudante 102.372 10.690 6.415 119.477 1.740.840
Fregadora 102.372 10.690 6.415 119.477 1.740.840
Persoal contratado para a formación.-Para a aplicación do salario para este tipo de contratos, aplicarase o disposto no artigo 11.2º h) da Lei do Estatuto dos traballadores, texto refundido aprobado por Real decreto lexislativo 1/1995, do 24 de marzo, segundo redacción dada pola Lei 63/1997, do 26 de decembro de 1997.
4678