Aprobado inicialmente, en comisión de goberno do Concello do Grove do 23 de abril deste ano, o estudio de detalle da parcela sita nas rúas Jaime Solá e Hospital, que foi presentado para a súa aprobación ante este concello por iniciativa particular de Álvaro Pérez-Lafuente Bóveda en representación de El Marino, S.A., de conformidade co establecido no artigo 44.3º da Lei 1/1997, do 24 de marzo, do solo de Galicia, sométese a información pública o citado estudio de detalle durante un mes, contado desde a publicación deste anuncio no DOG. O expediente está á disposición dos interesados nas oficinas de secretaría do concello para o seu exame.
Así mesmo, efectúase, por medio do presente anuncio, notificación a aqueles propietarios de terreos afectados descoñedidos ou a aqueles ós que intentada a notificación, non se lles puido practicar, nos termos do artigo 42.6º da Lei 1/1997, do 24 de marzo.
O Grove, 30 de abril de 1998.
Servando Castro Iglesias
Alcalde Acctal.