A Comisión de Goberno, en sesión ordinaria celebrada o día un de decembro de mil novecentos novente a sete adoptou o seguinte acordo:

«Primeiro.- Prestar aprobación definitiva ó proxecto de urbanización do polígono industrial e comercial A-1.1 do vixente PXOU-O Bao, redactado polos arquitectos Hermo Túñez, Jiménez Passolas e Pérez Álvarez, visado pola Delegación en Pontevedra do COAG con data do 27-11-1996.

Segundo.- Notificarlles este acto administrativo ós interesados e comunicarllo á delegación provincial da Consellería de Política Territorial, Obras Públicas e Vivenda da Xunta de Galicia, dispoñéndose a publicación de anuncio no BOP e Diario Oficial de Galicia, para efectos da súa executividade.

Terceiro.- Facer constar que Granja del Bao, S.A. deberá presentar oficios de dirección facultativa da obra urbanizadora con carácter previo ó seu inicio. A cesión dos terreos deste concello, en virtude do proxecto de compensación, entenderase sen prexuízo do dereito de ocupación para que esa sociedade realice a obra urbanizadora prevista no presente proxecto, quedando afecta a fianza de 14.226.531 pesetas á correcta execución da urbanización e a recepción da obra urbanizadora efectuarase en actas que se subscribirán entre este concello e a sociedade promotora, logo de certificación de final de obra susbscrita polos técnicos directores e visada por seus colexios profesionais na que se verifique a adecuación da obra ó proxecto de urbanización.

Cuarto.- De conformidade co compromiso asumido por Granja del Bao, S.A., será preceptiva a constitución dunha entidade de conservación das obras de urbanización do polígono, do que a pertenza será obrigatoria para tódolos propietarios comprendidos no ámbito territorial, determinada en función das cargas do proxecto de compensación. Esta entidade deberá constituírse con anterioridade á finalización das obras de urbanización, debéndose facer constar nas transmisións e contratos que se realicen sobre as parcelas integrantes do polígono, para aceptación e coñecemento desta obriga polos futuros propietarios ou adquirentes titulares das parcelas».

O que se fai público para a súa executividade, subliñándose que contra este acordo, que esgota a vía administrativa, poderá interpoñerse recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que se poida exercer, se é o caso, calquera outro recurso que se considere procedente.

Pontevedra, 29 de decembro do 1997.

Juan Luis Pedrosa Fernández

Alcalde

3532