Con fin de cumpri-lo disposto no artigo 59.4º da Lei 30 /1992, de réxime xurídico das administracións públicas e do procedemento administrativo común, do 26 de novembro, que para os efectos de notificación con carácter gratuíto recolle a Orde do 22 de xaneiro de 1976 (BOE nº 45, do 21 de febreiro), procédese á publicación no Diario Oficial de Galicia do seguinte texto:

O ministro de Defensa, con data do 17 de outubro de 1997, desafectou do fin público a que estaban destinados os terreos da propiedade denominada: Polvorín de Culleredo, A Coruña.

Os ditos terreos fóronlles expropiados no seu día ós propietarios relacionados no anexo que se xunta.

Para iso, en cumprimento da instrucción 25/1993, do 18 de marzo, sobre a tramitación de procedemento administrativo no ámbito do Ministerio de Defensa, ponse no coñecemento dos primitivos donos ou habentes-causa, que desapareceu a afectación ó fin público a que estaban destinados os terreos ocupados pola propiedade militar Polvorín de Culleredo polo que, no prazo dun mes, contado a partir da publicación deste edicto, poderán exerce-los dereitos de reversión que lles outorgan os artigos 54 e 55 da Lei de expropiación forzosa, do 16 de decembro de 1954, en relación cos artigos 63 e seguintes do seu regulamento, aprobado por Decreto do 26 de abril de 1957.

Para o exercicio destes dereitos, os interesados deberán formula-las oportunas alegacións perante a Xerencia de Infraestructura da Defensa, r/ Princesa, 32-28008 Madrid.

A Coruña, 16 de marzo de 1998.

Ricardo Paz Canalejo

Coronel delegado

3456