De conformidade co disposto no artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselle ó denunciado cos datos persoais e último enderezo coñecido que se sinala a continuación a notificación de incoación de expediente sancionador polo delegado provincial da Consellería de Agricultura, Gandería e Política Agroalimentaria de Lugo.
Noméase instructor do procedemento a Mauricio Alonso Troncoso e secretaria a Mª Jesús Fernández Martínez, funcionarios desta delegación provincial. A resolución será acordada polo delegado provincial desta consellería.
O denunciado disporá dun prazo de quince (15) días, contados a partir do seguinte ó de publicación desta cédula para que poida examina-lo expediente nesta delegación provincial, situada na Ronda da Muralla, 70, para presenta-lo descargo e documentos que considere convenientes na súa defensa. Así como para a recusación das persoas designadas como instructor e secretario en calquera momento da tramitación do expediente.
O pagamento voluntario poralle fin ó expediente. Para efectualo deberá emprega-los impresos normalizados que lle serán facilitados nesta delegación provincial.
ANEXO
Expediente: LU-76/98.
Denunciado: José Conde Conde.
DNI: 34.530.364.
Último enderezo coñecido: Estremil-Vilamarín. Ourense.
Feitos imputados: transporta-lo día 27 de xaneiro de 1998, no vehículo matrícula OR-5010-A, 4 cabezas de gando bovino, procedentes do mercado gandeiro de Sarria ata Ourense, e carecer do carné de tratante.
Tipificación da infracción Regulamento de epizootias.
Precepto infrinxido: artigos 195 e 196.
Precepto sancionador: artigo 213.
Cualificación da infracción: moi grave.
Sanción posible: de 1.000 a 50.000 pesetas.
Lugo, 11 de marzo de 1998.
José Ramón Molinero Senovilla
Delegado provincial de Lugo
3474