Dentro do plan de actividades da Escola Galega de Administración Pública para 1998 e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse, en colaboración coa Revista de Derecho Urbanístico y Medio Ambiente, unhas xornadas sobre a nova Lei do réxime do solo e valoracións, que deberán desenvolverse conforme as seguintes bases:
1. Obxectivos.
Acerca-los asistentes a un mellor coñecemento da nova normativa urbanística estatal: Lei sobre o réxime do solo e valoracións, o que facilitará ó mesmo tempo a correcta aplicación da lexislación autonómica galega neste eido.
2. Contido.
Trataranse, entre outros, estes temas:
-Aspectos xerais máis relevantes da nova lei.
-A clasificación do solo. Dereitos e deberes dos propietarios dos solos.
-Valoracións do solo, de obras, edificacións, instalacións, plantacións, arrendamentos. Concesións administrativas e dereitos reais.
-Supostos indemnizatorios por alteración do planeamento por limitacións singulares e por outros conceptos.
-Expropiación e reversión. Excepcións.
-Disposicións adidicionais e réxime transitorio.
-Aspectos competenciais do ordenamento urbanístico.
3. Destinatarios.
Persoal ó servicio de calquera das administracións públicas galegas e interesados en xeral.
4. Desenvolvemento.
-Horario: mañá e tarde.
-Lugar e datas: as xornadas convocadas terán lugar no salón de actos da Escola Galega de Administración Pública (polígono das Fontiñas, rúa de Madrid, 2-4, en Santiago de Compostela) os días 27 e 28 de abril.
5. Inscrición.
-Prazo: remata o venres, o día 24 de abril de 1998.
-Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP,
ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: (981) 54 63 37.
-Número de prazas: limitado á capacidade do local.
-Inscrición fóra de prazo: só se admitirán, de quedaren prazas baleiras, coa condicións de que se cumpran os requisitos xerais antes indicados.
Os peticionarios poderán obter confirmación da súa posible admisión, chamando a partir do día 24 de abril, por teléfono das 10 ás 14.30 horas, ós seguintes números: (981) 54 62 39 ou (981) 54 60 40.
6. Modificacións.
A EGAP reserva para si a facultade de interpr
desenvolvemento das xornadas, así como a de cancelalas se o escaso número de solicitudes non xustificase a súa realización.
7. Certificación de asistencia.
Entregaráselles ó remate destas xornadas a aqueles que concorresen asiduamente a elas, cando a súa inasistencia non sexa igual ou superior ó 15% das horas lectivas programadas, e expresarase neste documento a natureza da actividade e a data da súa realización.
Santiago de Compostela, 13 de abril de 1998.
Domingo Bello Janeiro
Director da Escola Galega
de Administración Pública
3184
