A Corporación Municipal deste Concello, en sesión plenaria celebrada o día 27 de marzo de 1998, acordou prestar aprobación definitiva ó expediente de
modificación puntual das normas subsidiarias municipais de planeamento, nunha parecela sita en Vilalonga, de ordenación segundo convenio.
A modificación aprobada ten por obxecto unifica-lo tratamento urbanístico dunha parcela de 1.729 m do núcleo de Vilalonga, afectada polas ordenanzas 2, 4G1 e 5, asignándolle a ordenación resultante do convenio asinado entre o propietario e o concello.
De conformidade co establecido no artigo 48.2º da Lei 1/1997, do 24 de marzo, do solo de Galicia, a modificación aprobada e a normativa que a regulamente será publicada no BOP de Pontevedra.
Contra este acordo, que é definitivo en vía administrativa, poderase interpor directamente, e no prazo de dous meses, recurso contencioso-administrativo ante o Tribunal Superior de Xustiza de Galicia na Coruña, logo de comunicación ó órgano autor do acto, ó que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que poida exercerse, se é o caso, calquera outro recurso que considere procedente.
Sanxenxo, 3 de abril de 1998.
José Luis Rodríguez Lorenzo
Alcalde
2573