Para os efectos previstos nos decretos 2617/1966, sobre autorización de instalacións eléctricas, 2619/1966, sobre expropiación forzosa e sancións en materia de instalacións eléctricas, artigos 52 e 53 da Lei 40/1994, do 30 de decembro, de ordenación do sistema eléctrico nacional, de apliación tendo en conta a disposición transitoria segunda da Lei 54/1997, do 27 de novembro, do sector eléctrico, artigo 25 da Lei 10/1995, de ordenación do territorio de Galicia, e 205/1995, polo que se regula o aproveitamento da enerxía eólica na Comunidade Autónoma de Galicia, someto a información pública a solicitude da empresa Desarrollos Eólicos, S.A., para autorización administrativa, declaración de utilidade pública, que implicará a urxente ocupación dos bens e dereitos afectados, aprobación do proxecto de execución, e do proxecto sectorial do parque eólico Monseiván, coas seguintes características:

Peticionario: Desarrollos Eólicos, S.A., polígono Pocomaco, sector A-2, nave 6, 15190 A Coruña.

Situación: concellos de Abadín e Vilalba (Lugo).

Localización (coordenadas poligonais en unidades UTM):

V (0.613.400, 4.806.900);

V (0.617.350, 4.805.400);

V (0.617.600, 4.805.750);

V (0.618.800, 4.806.750);

V (0.619.900, 4.803.500);

V (0.615.000, 4.803.500);

V (0.613.200, 4.805.800).

Afección a predios particulares:

Un.-As afeccións incluídas no anexo designadas como: aeroxerador, superficie de apoio e sistema colector, superficie ocupada implican a ocupación de pleno dominio dos terreos.

Dous.-As afeccións incluídas como camiño, superficie ocupada e aeroxerador, voo, implican a servidume permanente de paso coas seguintes limitacións ó dominio:

1. Prohibición de efectuar traballos de arada ou similares, así como plantar árbores e arbustos.

2. Prohibición de efectuar calquera tipo de obras ou efectuar algún acto que puidera danar ou prexudica-lo bo funcionamento das instalacións.

3. Libre acceso do persoal e equipos necesarios para executar, manter, renovar ou repara-las instalacións.

O que se fai público para coñecemento xeral e dos propietarios dos predios e demais titulares afectados que non chegaron a un acordo coa entidade solicitante, e que figuran na relación que se insire como anexo deste anuncio, así como as persoas que, sendo titulares de dereitos reais ou intereses económicos sobre os bens afectados fosen omitidos, para que poidan examina-lo proxecto e presenta-las obxeccións ou alegacións a este, no prazo de trinta días, nesta delegación provincial, sita no edificio administrativo. Ronda da Muralla, 70, 27071 Lugo.

É de significar que esta publicación se realiza igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación do presente acordo ós titulares descoñecidos dos predios que se describen no anexo.

Lugo, 6 de marzo de 1998.

Jesús Bendaña Suárez

Delegado provincial de Lugo

ANEXO

Relación de bens e dereitos afectados polo proxecto de execución do parque eólico Monseiván

2028