Por Decreto 313/1997, do 30 de outubro, da Consellería de Xustiza, Interior e Relacións Laborais da Xunta de Galicia, declarouse a urxente ocupación, para efectos de expropiación forzosa, dos bens e dereitos necesarios para a realización das obras do proxecto de execución do plan especial de protección

e mellora do medio natural na praia de Doniños.

Na súa virtude e en cumprimento do establecido no citado artigo 52 da Lei de expropiación forzosa e concordantes do regulamento para a súa aplicación, sinálase a data para proceder ó levantamento das actas previas á ocupación, e para este efecto son convocados os propietarios e titulares dos predios afectados polas obras relacionados no anexo, para que o día 26 de marzo de 1998, ás 10 horas, comparezan no Concello de Ferrol, para efectua-lo levantamento das actas previas á ocupación, que deberá recolle-los datos necesarios para a valoración previa e oportuno prezo xusto destes, sen prexuízo de trasladarse ó lugar dos predios se se considera necesario.

A relación de propietarios e titulares de dereitos dos predios que resultan afectados estará exposta con antelación mínima de 15 días á data do levantamento das actas previas á ocupación, no taboleiro de edictos do Concello de Ferrol.

Ó dito acto, que lles será notificado individualmente ós titulares afectados, deberán asistir persoalmente ou ben representados polas persoas debidamente autorizadas para actuar no seu nome, achegando os documentos acreditativos da súa titularidade, podendo facerse acompañar á súa costa, se se xulga oportuno, dos seus peritos e notarios.

Ata o momento do levantamento das actas previas á ocupación correspondente, poderán os interesados, así, como as persoas que sendo titulares de dereitos reais ou intereses económicos que se omitisen na relación que estará exposta no taboleiro de edictos do Concello de Ferrol, presentar por escrito cantas alegacións coiden oportunas, soamente para efectos de emenda-los posibles erros que se puidesen padecer ó relaciona-los bens ou dereitos que se afectan.

Ferrol, 27 de febreiro de 1998.

O alcalde

Rubricado

ANEXO

1938