Perante este Xurado Provincial de Montes Veciñais en Man Común, tramítase o expediente de clasificación do monte coas características que a seguir se indican:

Expediente número 30/93:

Denominación: monte de Bidueiras.

Comunidade propietaria: veciños da parroquia de Cervo.

Concello: Cervo.

Superficie: 11 ha.

Lindeiros:

Norte: herdeiros de José María Crego, herdeiros de Antón Basanta, José Sampedro Piñeiro e Concepción Fernández Chao; leste; Jesús Fraga Valmayor, Natividad Basanta e herdeiros de Jesús Taladrid; sur; Herminia Saavedra e herdeiros de José María Crego; e oeste: Ramón Fernández Goás, Saturnino Baltar e outros, e herdeiros de José María Crego.

En virtude do acordado polo xurado e en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, polo presente edicto faise pública a iniciación do expediente indicado co obxecto de que, de acordo co previsto no artigo 23 do Regulamento do

23 de setembro de 1992 para a execución da citada lei, cantas persoas, organismos e corporacións resulten interesadas, poidan comparecer e intervir no expediente iniciado e formular perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistilas en relación co monte, achegando se é o caso, a documentación que consideren conveniente ó respecto.

Lugo, 12 de febreiro de 1998.

Luis González Vázquez

Presidente do Xurado Provincial de Montes Veciñais en Man Común de Lugo

2260