Para os efectos previstos no Decreto 2617/1966, do 20 de outubro, sométese a información pública
a solicitude da empresa Agrotecnologías, S.A. con enderezo social en Espíruto Santo, 29-30, Soñeiro, municipio de Sada. A Coruña, para a autorización administrativa da instalación que segue:
Unha planta de coxeración grupo d composta basicamente polos seguintes elementos:
Un grupo motor alternador de 972 kVA alimentado con gas natural.
Un centro de transformación de 1.200 kVA e relación de transformación de 380/20.000 V.
Instalacións de baixa tensión, de regulación e control de todo o sistema e de interconexión coas liñas eléctricas da compañía eléctrica distribuidora.
A planta de coxeración vai instalarse no interior da fábrica de conservas citada.
Todas aquelas persoas ou entidades que se consideren afectadas poderán presenta-las súas reclamacións ou oposición no prazo de trinta días nesta delegación provincial, Edificio Administrativo Monelos, 15701 A Coruña.
A Coruña, 27 de xaneiro de 1998.
Jesús Espada Martínez
Delegado provincial da Coruña