De conformidade coa proposta elevada pola comisión designada para xulga-lo concurso convocado por resolución desta universidade do 17 de xullo de 1996 (OBE do 14 de agosto), para a provisión da praza número 96/306 de catedrático de universidade da área de coñecemento de economía aplicada, do departamento de Economía Aplicada II desta universidade, a favor de Josefina Martínez Barbeito, e unha vez acreditados pola interesada os requisitos ós que alude o apartado 2 do artigo 5º do Real decreto 1888/1984, do 26 de setembro;
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma univeristaria e demais disposicións que a desenvolven, resolveu nomear a Josefina Martínez Barbeito, catedrático de universidade da área de coñecemento de económia aplicada do departamento de Economía Aplicada II desta universidade.
A Coruña, 30 de xaneiro de 1998.
José Luis Meilán Gil
Rector da Universidade da Coruña