Dentro do plan de actividades da EGAP para 1998 e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989 do 10 de xullo, de modificación da anterior, convócanse unhas xornadas sobre a Lei de Administraciónlocal de Galicia, que deberán desenvolverse segundo as seguintes bases:
1. Obxectivos.
Analizar e reflexionar sobre os aspectos máis salientables da Lei 5/1997, do 22 de xullo, de Administración local de Galicia.
2. Destinatarios.
Persoal ó servicio das entidades locais de Galicia petencentes a calquera grupo de titulación, e interesados en xeral.
3. Desenvolvemento.
-Horario: de mañá e tarde.
-Lugares e datas:
Ourense: 2 e 3 de marzo.
A Coruña: 4 e 5 de marzo.
Pontevedra: 23 e 24 de marzo.
Lugo: 30 e 31 de marzo.
4. Prazo.
O prazo de inscrición rematará segundo as localidades:
En Ourense: o día 25 de febreiro ás 14 horas.
Na Coruña: o día 26 de febreiro ás 14 horas.
En Pontevedra: o día 16 de marzo ás 14 horas.
5. Tramitación de solicitudes.
As solicitudes irán dirixidas ó director da Escola Galega de Administración Pública, polígono das Fontiñas, r/ Madrid 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: (981) 54 63 37.
6. Número de prazas.
Limitada á capacidade dos locais.
7. Inscricións fóra de prazo.
Só se admitirán se quedan prazas baleiras e sempre que se cumpran os requisitos xerais antes indicados.
8. Modificacións.
A EGAP reserva para si a facultade de intepretar e resolve-las incidencias que puidesen xurdir no desenvolvemento das xorandas, así como a de cancelalas se o escaso número de solicitudes non xustificase a súa realización.
9. Certifado de asistencia.
Outorgaráselles certificado de asistencia ós alumnos que participen con regularidade nas xornadas programadas cando a súa inasistencia non sexa igual o superior ó 15% das horas lectivas programadas. A superación deste límite, sexa cal sexa a causa,
imposibilitará a expedición do certificado e dará lugar á baixa con perda de tódolos dereitos.
10. Contido.
Disposicións xerais. O municipio. A provincia e outras entidades locais. Transferencia, delegación e encomenda de xestión. Relacións interadminis
trativas. Funcionamento das entidades locais. Bens, servicios e contratación. As facendas locais.
Santiago de Compostela, 5 de febreiro de 1998.
Domingo Bello Janeiro
Director da Escola Galega de Administración Pública
