Visto o expediente da revisión salarial do convenio colectivo Talleres Caeiro, S.A., que tivo entrada nesta delegación provincial da Consellería de Xustiza, Interior e Relacións Laborais o día 12-1-1998, subscrito en representación da parte económica pola empresa, e da parte social polo comité de empresa o día 28-5-1997, de conformidade co disposto no artigo 90.2º e 3º, da Lei 8/1970, do 10 de marzo do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,

ACORDA:

Primeiro.-Ordenar-la súa inscrición no libro rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no BOP e no Diario Oficial de Galicia.

A Coruña, 21 de xaneiro de 1998.

Mª Reyes Carabel Pedreira

Delegada provincial da Coruña

ACTA

En Santiago de Compostela, sendo as dezanove horas e quince minutos do día vinteoito de maio de mil novecentos noventa e sete, reúnense os señores que abaixo se relacionan, representantes dos traballadores e parte económica da empresa Talleres Caeiro,S.A.

Ámbalas partes recoñécense mutuamente a capacidade necesaria para negociaren.

Iniciada a sesión, fíxose unha lectura detida do texto do convenio en vigor, e adoptáronse por unanimidade os seguintes acordos:

1º Prorrogar en todas e cada unha das súas partes o convenio en vigor ata o 31 de decembro de 1997.

2º Substituí-la táboa salarial pola que se xunta como anexo a esta acta.

3º A aplicación da dita táboa salarial entrará en vigor con data do un de maio de mil novecentos noventa e sete.

4º Remitirlle esa acta e anexo á Delegación de Traballo para a súa publicación no BOP.

E non habendo máis asuntos que tratar, levántase a sesión, sendo as vinteunha horas do día arriba sinalado.

Representación laboral:

33.143.143, Vicente Puente Vigo.

33.243.985, Víctor J. Parente Mariño.

33.229.341, José A. Núñez Boquete.

Representación económica:

33.024.095, Manuel Caeiro Varela.

Rubricado

Táboa salarial do convenio colectivo da empresa Talleres Caeiro, S.A.

Efectos económicos do 1 de maio de 1997