A Orde do 26 de febreiro de 1996 (DOG do 25 de marzo), da Consellería de Industria e Comercio, estableceu unha campaña durante 1996 para a regularización das tarxetas de inspección técnica dos vehículos agrícolas.
No seu artigo 1 expoñíase que o obxecto da orde era regulariza-la situación dos vehículos agrícolas, de titulares que o soliciten, mediante a expedición da tarxeta ITV, despois da inspección técnica unitaria con resultado favorable.
A campaña desenvolvida nos últimos anos puxo de manifesto, desde o seu comezo, o volume elevado do parque existente e doutra banda a preocupación
do colectivo de titulares dos vehículos agrícolas, as súas asociacións representantes e outras institucións, resultando insuficiente para atender mediante unidades móbiles a demanda xerada nos concellos da Comunidade Autónoma o prazo establecido no artigo 3, da citada Orde do 26 de febreiro de 1996, así como a súa prórroga establecida por Resolución do 19 de febreiro de 1997.
Por iso, na súa virtude de acordo coas competencias que me foron transferidas,
RESOLVO:
Autoriza-la ampliación da campaña iniciada de acordo coa Orde de 26 de febreiro de 1996 para a regularización das tarxetas de inspección técnica dos vehículos agrícolas, naqueles concellos non atendidos nas campañas anteriores, ata o 31 de decembro de 1998.
Santiago de Compostela, 23 de xaneiro de 1998.
Antonio Couceiro Méndez
Conselleiro de Industria e Comercio
10229