O Pleno do Concello, en sesión extraordinaria que tivo lugar o día 4 de decembro de 1997, deulle aprobación ó prego de condicións económico-administrativas particulares que rexerán o concurso aberto para a adxudicación dos traballos de redacción dun Plan Xeral de Ordenación Municipal.
Sométese a exposición pública no Negociado Municipal de Obras, Urbanismo e Contratación, de 9 a 14 horas, durante un prazo de oito días contados desde a publicación deste anuncio no derradeiro dos boletíns oficiais, para que os interesados poidan examinalo e presenta-las alegacións oportunas.
Asi mesmo, anúnciase o concurso público para a contratación, se ben a licitación quedará adiada no caso de que se presentasen reclamacións contra aquel, durante o prazo sinalado.
Tipo de licitación: o tipo de licitación é de vintecinco millóns setecentas trinta e sete mil (25.737.000) pesetas, IVE incluído.
Cumprimento do contrato: o contrato desenvolverase con estricta suxeición ó prego de prescricións técnicas redactado pola Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda, que figura como anexo ó prego de condicións. O prazo de presentación do avance será de seis meses desde o asinamento do contrato. O prazo total será de dezaoito meses contados desde a mesma data, se ben o seu cómputo quedará interrompido coa entrega ó concello dos traballos de cada fase e reanudarase coa devolución do expediente ó adxudicatario para a continuación da tramitación.
Clasificación do contratista: grupo 1, subgrupo 1, categoría A.
Garantías provisional e definitiva: 514.740 e 1.029.480 pesetas, respectivamente.
Lugar e prazo de presentación: as proposicións presentaranse no rexistro xeral do concello, de 9 a 14 horas, durante os 26 días naturais seguintes á publicación do anuncio no BOP de Lugo e no Diario Oficial de Galicia.
Gastos de publicidade.- Por conta do adxudicatario.
Viveiro, 16 de decembro de 1997.
Justo Vázquez Chao
Alcalde acctal.