De conformidade co que acordou a Comisión de Goberno, na sesión do día 9 do actual, convócase concurso para a edición de 3.000 exemplares do libro Ourense etnográfico, en formato 240x320 mm; nº de páxinas: 384 con 5 despregables a 4/4 tintas; papel: estucado brillo 170 gr; encadernación: cartoné cromo plastificado mate con brillo selectivo; camisa: plastificada mate con brillo selectivo impresa a 4/0 tintas; gardas: papel Torreon 120gr.
Por conta da empresa o orzamento da obra comprenderá:
Dereitos do autor: por traballos de campo e elaboración de textos; ilustracións: 359 transparencias para as seleccións de color; fotomecánica e filmación de textos; deseño; maquetación; impresión; encadernación. O prazo de entrega a partir da adxudicación do traballo será de 30 días. O tipo de licitación á baixa e de 19.216.000 ptas. e a fianza provisional é do 2% do tipo de licitación, sendo a definitiva do 4%.
As ofertas e documentación presentaranse ata as 12 horas do décimo terceiro día natural seguinte ó da publicación do anuncio e bases no BOP de Ourense e no Diario Oficial de Galicia, computándose a partir da última publicación, e a apertura de plicas realizarase no Pazo Provincial ás 12 horas do día hábil seguinte, agás sábados.
Modelo de proposición: Don/a ..., con domicilio en ..., DNI núm. ..., en nome propio (ou en representación de ..., segundo acredita con ...), informado/a do expediente e condicións para contrata-la subministración que se indica da Deputación de Ourense, anunciadas no ... nº ..., de data ..., comprométese ás prestacións que se expresan coa baixa que se sinala. Concepto: edición de 3.000 exemplares do libro Ourense etnográfico; tipo de licitación: 19.216.000 ptas.; baixa que ofrece ...%. Lugar, data e sinatura.
Ourense, 13 de xaneiro de 1998.
O presidente
Rubricado