A Dirección Xerencia do Complexo Hospitalario Arquitecto Marcide-Profesor Novoa Santos de Ferrol, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 22 de maio de 1996 (DOG nº 111, do 6 de xuño), sobre delegación de competencias en órganos centrais e periféricos do Sergas, convoca o concurso público 101/1998 para a realización do servicio de mantemento de ascensores do citado complexo.
1. Entidade adxudicadora.
Servicio Galego de Saúde, Complexo Hospitalario Arquitecto Marcide-Profesor Novoa Santos.
a) Dependencia que tramita o expediente: Servicio de Subministracións, Unidade de Contratación.
b) Número de expediente: C.P. 101/1998.
2. Obxecto da contratación.
a) Descrición do obxecto: realización do servicio de mantemento de ascensores.
b) División en lotes: as empresas licitantes deberán presentar oferta á totalidade do servicio.
3. Tramitación, procedemento e modalidade de adxudicación.
a) Tramitación: anticipada.
b) Procedemento: aberto.
c) Modalidade: concurso.
4. Orzamento base de licitación.
10.607.990 pesetas.
5. Garantías.
Provisional: 2% do orzamento de licitación.
6. Obtención de documentación e información.
Os pregos de cláusulas administrativas particulares e demais documentación complementaria estarán á disposición dos concursantes para o seu exame tódolos días laborables, agás os sábados, das 9 ás 15 horas, no Servicio de Subministracións do Complexo Hospitalario Arquitecto Marcide-Profesor Novoa Santos, estrada de San Pedro, s/n, 15405 Ferrol (A Coruña). Teléfono (981) 33 40 32. Fax (981) 33 40 84.
7. Requisitos específicos do contratista.
A clasificación requirida ó contratista será: grupo III, subgrupo 7, categoría A.
A solvencia económica e financeira e a solvencia técnica acreditaranse de acordo co establecido nos
artigos 16 e 19 da Lei 13/1995, de contratos das administracións públicas, e no prego de cláusulas administrativas particulares.
8. Presentación das ofertas ou das solicitudes de participación.
a) Prazo de presentación: as proposicións presentaranse antes das 14 horas do vixésimo sexto día natural a partir do seguinte ó da publicación desta resolución no DOG.
b) Documentación que hai que presentar: a especificada no apartado 8 do prego de cláusulas administrativas particulares.
c) Lugar de presentación: ve-lo punto 1, rexistro xeral.
d) Prazo durante o cal o licitador estará obrigado a mante-la súa oferta: 3 meses desde a data de apertura de proposicións.
e) Admisión de variantes: ve-lo prego de cláusulas administrativas particulares.
9. Apertura das proposicións.
Será realizada en acto público pola mesa de contratación, na sala de xuntas do citado complexo hospitalario, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura terá lugar o día hábil seguinte.
10. Outras informacións.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax ou telegrama no mesmo día, de conformidade co artigo 100 do Regulamento xeral de contratación do Estado. Sen a concorrencia de ámbolos dous requisitos, non será admitida a proposición se é recibida polo órgano de contratación con posterioridade á data de terminación do prazo sinalado neste anuncio. Transcorridos, con todo, dez días naturais seguintes ó da indicada data sen ter recibida a mencionada proposición, esta non será admitida en ningún caso.
Os criterios que se seguirán para a adxudicación do contrato son os que se establecen no apartado 10 do prego de cláusulas administrativas particulares.
11. Gastos de anuncios: o importe do anuncio da presente resolución na prensa e nos boletíns oficiais será por conta do adxudicatario.
Ferrol, 18 de decembro de 1997
Pedro Molina Coll
Director xerente do Complexo Hospitalario Arquitecto Marcide-Profesor Novoa Santos de Ferrol
10575
